\m/ 80's metal \m/

Биография

Доп. информация: Мясцо́вы ча́с — беларускі рок-гурт з Наваполацку.

Гурт нарадзіўся ў 1987 годзе ў Наваполацку. Заснавальнікамі гурту былі Алесь Кузьмін (Алуф) і Вячаслаў Макас — навучэнцы Наваполацкага палітэхнікума. Гурт першапачаткова меў назву «Местное время» і сьпяваў на расейскай мове. У тым жа годзе да гурту далучыліся бубнач Аляксандар Сьвідрыцкі і гітарыст Валеры Драко.

Гурт робіць свой першы дэма-запіс «Местное время» і прымае ўдзел у некалькіх канцэртах, на якіх знаёміцца з Мрояй. Пад уплывам Мроі, а таксама Адама Глёбуса, Сяржука Сакалова і Алеся Аркуша, гурт пачынае сьпяваць па-беларуску і мяняе назву на «Мясцовы час».

Першыя посьпехі

У 1988 годзе Мясцовы час удзельнічае ў Наваполацкім гарадзкім фэсьце дзе атрымлівае прыз «Надзея фэсту», прыз глядацкіх сымпатыяў і прыз за найлепшую аўтарскую песьню.

Песьня «Наш шлях» трапляе на гіт-парад радыёстанцыі «Беларуская маладзёжная» і перамагае па выніках галасаваньня. Пазьней песьні «Вартаўнік» і «Будзе так» трапляюць на складанку Гіт-Парад беларускай Маладзёжнай, якую выдавала ўсесаюзная фірма «Мэлёдыя».

У 1989 годзе запісваецца першы альбом Слота, гурт удзельнічае ў фэсьце «Рок-крок». У тым жа годзе ў гурце зьяўляецца клявішнік Руслан Парфёнаў.

У красавіку 1990 году гурт удзельнічае ў фэсьце «Рок-кола» і запісвае другі альбом Мой дом. У 1991 Мясцовы час прымае ўдзел у Менскім фэсьце «Тры колеры», дзе знаёміцца з мазырскім гуртам «Отражение», які ў той час ствараў уласную гуказапісваючую студыю. На гэтай студыі Мясцовы час запісвае свой самы пасьпяховы альбом Наша ўскраіна. У гэтым жа годзе гурт удзельнічае ў фэсьце беларускай музыкі «Басовішча» (прыз «Лепшая група»), праводзіць акустычны канцэрт у Полацкай Сафіі. Таксама музыкі прымаюць удзел ў вялікім канцэрце «Рок за незалежнасьць», што праводзіўся на плошчы Леніна ў Менску.

У 1992 годзе гурт зноў удзельнічае ў «Басовішчы», праводзіць канцэрты ў Менску і Мазыры.

Распад гурту

Паступова ў гурце зьяўляюцца фінансавыя праблемы, пагаршаюцца адносіны паміж музыкамі. Алесь Кузьмін і Руслан Парфёнаў спрабуюць запісаць дэма для швэдзкай гуказапісваючай кампаніі. У канцы 1992 году гурт распадаецца.

У 1997 годзе Алесь Кузьмін, Аляксандар Сьвідрыцкі і Валеры Драко спрабуюць ізноў аднавіць гурт. Замест бас-гітарыста Вячаслава Макаса прыходзіць Уладзіслаў Пальшын. З новым саставам гурт запісвае новы альбом Халі-галі, удзельнічае ў канцэрце «АнтыСНІД», фэсьце «Стракаты сусьвет» і ў «Славянскім базары».

У 1999 годзе Аляксандар Сьвідрыцкі трапляе за краты, а ў 2001 годзе вакаліст Алесь Кузьмін зьяжджае ў Нямеччыну. Гурт распадаецца канчаткова.

Удзельнікі

* Алесь Кузьмін — гітара, сьпеў
* Вячаслаў Макас — бас-гітара, сьпеў (да 1992)
* Валеры Драко — гітара
* Аляксандар Сьвідрыцкі — бубны (да 1999)
* Руслан Парфёнаў — клявішныя (1989 — 1992)
* Уладзіслаў Пальшын — бас-гітара (1997 — 2000)
* Аляксей Павукоў — бубны (1999 — 2000)
* Сяргей Часнакоў — гітара (2000)



В дискографии не хватает альбома 1988 года "Местное время", но т.к. группа тогда называлась "Местное время" и пела по-русски, то в определенном смысле дискография полная.